Zbulohet skandali 100 milionë dollarësh në FIFA

Një tjetër rast korrupsioni prej miliona dollarësh është zbuluar nga hetuesit në FIFA dhe sërish i akuzuar është presidenti i pezulluar pak muaj më parë, Sepp Blater.

Agjencia Federale Amerikane (FBI) ka nisur një hetim për një korrupsion që kap vlerën e rreth 100 milion dollarëve në shitjen e të drejtave televizive.

Sipas “La Gazzetta dello Sport”, ngjarja ka ndodhur në vitet ’90 dhe përfshin edhe rolin e ish-presidentit të FIFA-s, Joao Havelange nga viti 1974 deri në vitin 1998.

Mediat ndërkombëtare shkruajnë se Blater ka qenë në dijeni të këtij rryshfeti të madh që është ndarë me rrjete televizive në atë kohë nëpërmjet agjencive të marketingut.

Prova që rëndon ndaj Blaterit sipas FBI-së është një letër e shkruar nga Havelange, për të cilën ish-presidenti i FIFA-s pranon se ka marrë paratë nga LSL dhe akuzon Blaterin se “është në dijni të të gjithë aktiviteteve”, transmeton Telegrafi

Nga ana tjetër, Blater ka mohuar çdo lidhje të mundshme me akuzat që i janë bërë.