Zgjedhjet, opsion për dalje nga kriza (Video)

Opsioni i vetëm për dalje nga kriza politike në vend janë zgjedhjet e parakohshme. Madje, protesta e fundit vetëm sa ka dëshmuar këtë gjë. Nëse asnjëra palë nuk lëshon pe, atëherë e vetmja zgjidhje do tw ishte ballafaqimi si i pozitës ashtu edhe i opozitës me elektorat të ri. Kështu vlerësojnë njohës të çështjeve politike në vend.

Profesori i shkencave politike, Afrim Hoti, thotë për Tribuna Channel, se para protestës së fundit ka pasur dy alternativa. Përpos zgjedhjeve, sipas tij, mundësi tjetër ka qenë edhe ulja në tryezë mes të dyja palëve. Hoti deklaron se tashmë zgjedhjet janë e vetmja alternativë.

Kurse politologu, Donik Sallova, ka deklaruar se Qeveria e Kosovës tashmë e ka obligim që çfarëdo bashkësie të komunave serbe që do ta themelojw, statusi i saj nuk duhet t’i shkelw konstatimet e Gjykatës Kushtetuese. Sipas, Sallovës, nëse të dyja palët vazhdojnë me të njëjtat qëndrime, atëherë duhet të ballafaqohen me elektorat të ri.