​Prokuroria: Nuk ka fletë arrest për Zemajn dhe Aliun

Prokuroria e Shtetit nëpërmjet një komunikate për media sqaron se Prokurori i Shtetit nuk ka parashtruar asnjë kërkesë në gjykatë për fletë arrest ndaj deputetit Armend Zemajt dhe Liburn Aliut.

“Pas publikimit të lajmit në disa nga portale se kinse është lëshuar fletë-arrest për deputetin Armend Zemaj dhe zyrtarin nga Komuna e Prishtinës Liburn Aliu, Zyra e Kryeprokurorit të Shtetit për hirë të informimit të drejtë të opinionit publik, njofton se Prokurori i Shtetit nuk ka parashtruar kërkesë në gjykatë për lëshimin e urdhërarrestit ndaj këtyre dy personave”, thuhet në komunikatë.