Arrestohen dy shqiptarë, kapen me kokainë në vlerë mbi 1 milion euro

Policia e Riminit në Itali ka arrestuar sot dy trafikantë e shqiptarë 23 e 26 vjeç ndërsa ka konfiskuar 1.6 kilogramë kokainë e cilësisë mjaft të pastër me një vlerë tregu mbi 1 milion euro.

Sekuestrimi i lëndës narkotike është bërë në banesën e dy shqiptarëve ku kokaina ishte fshehur në mobiliet për mbajtjen e këpucëve.
Dy shqiptarët e arrestuar ishin furnizuesit kryesor të përdoruesve të drogës në këtë territor. Në banesën e tyre janë sekuestruar dhe instrumente e materiale për dozimin e konfeksionimin e kokainës.
Policia italiane ka informuar se vazhdojnë ende hetimet për identifikimin e bashkëpunëtorëve të shqiptarëve në trafikimin e furnizimin e lëndës narkotike.