Makina godet fëmijën pranë shkollës, largohet shoferi

Aksident me pasojë një fëmijë të plagosur rëndë është regjistruar ditën e sotme në Divjakë. Sipas informacioneve paraprake, ngjarja ka ndodhur rreth mesditës në fshatin Mizë të Divjakës, ku një automjet ka goditur pranë shkollës një fëmijë.

Menjëherë pas aksidentit shoferi u largua nga vendi i ngjarjes, ndërsa kanë qenë kalimtarët ata që kanë dërguar me urgjencë në spital fëmijën për të marrë dhe ndihmën e nevojshme mjekësore, ku raportohet se ndodhet në gjendje të rëndë shëndetësore. Ndërkohë policia ka shkuar në vendin e ngjarjes dhe po punon për kapjen e autorit dhe zbardhjen e plotë të shkaqeve të aksidentit.