Agjencia e lajmeve Kosovanews kosovanews.info
Policia e Kosovës në raportin 24-orësh ka njoftuar se Njësiti i Drejtorisë për Hetimin e Trafikimit me Narkotik, pas një punë hetimore, dje ka realizuar një operacion policor në fshatin Sekiraçë të Podujevës, ku janë arrestuar tre persona të dyshuar, dy meshkuj nga Kosova dhe një shtetas i Shqipërisë.
Gjatë bastisjes së shtëpive dhe pronave të tyre, Policia ka gjetur dhe konfiskur 41 kg substancë narkotike që dyshohet të jetë marihuanë, 2,717 copë fishekë të kalibrave të ndryshëm, 6,495 euro para të gatshme, tri vetura të dyshuara, një pushkë gjuetie dhe gjashtë telefona celularë.
Sipas raportit, që të tre të dyshuarit me urdhër të prokurorit janë dërguar në mbajtje.