Sherr për pronë, një grua plagoset me sëpatë

Ngjarja e rëndë ka ndodhur në qytetin e Korçës, ku një 50-vjeçar me iniciale Dh.N., kishte shkuar në banesën e djalit të xhaxhait për të sqaruar një çështje pronësie, por konflikti mes tyre degjeneroi në përdorimin e dhunës.

Për të shuar sherrin mes 50-vjeçarit dhe kushëririt të tij, ndërhyri nëna e këtij të fundit, por mbeti e plagosur me sëpatë.

Dëmtimet e marra nga e moshuara mësohet se janë të çara të lehta, e cila pas marrjes së ndihmës së nevojshme në spital shkoi në shtëpi. Mësohet se dy djemtë e xhaxhallarëve prej disa kohësh ziheshin mes tyre, për ndarjen e një prone të trashëguar nga prindërit.